秘密花園揭蠱 (下)

好啦！繼續我哋既美容之旅， 上集講咗有咩陋習要戒除， 今日就講吓我平日護膚既流程啦

！其實好簡單！ 洗面
如果化妝既，落妝就緊係must item啦！千祈唔好信某啲產品話，落妝洗面一次過，清潔得唔好，用幾貴既護膚品都吸收唔到！！
每朝起身，當然要洗面啦！我由一開始護膚到依家都係用凍水洗面，即係室溫水，唔太熱又唔太凍，就算天氣幾凍我都會用凍水洗面，咁樣毛孔就可以避免有機會再大啦！
用洗面奶定用洗面膏就視乎你既皮膚性質，例如油性就用洗面膏, 中性,乾性就用洗面奶啦！我都會用一般按摩手法去洗面，洗既時候唔會大力捽，只係用水洗乾淨就得啦！
到抹乾面，我只係會用毛巾印乾水份，而唔會真係抹面， 免得過我都唔想成機整條皺紋出嚟！

Toner
我係咁多年都唔用Toner既，叫做收縮水，但係你覺唔覺會收縮毛孔呀?！皮膚醫生話Toner只係酒精，冇必要放酒精上面啫！我都曾經用過，但係唔用後又唔覺有咩分別噃！

咁又慳番筆！ 好奈之前，我聽過藝人吳家麗講過，佢用冰嚟代替Toner收縮毛孔添！不過我就未試過啦！
精華素
我都試過用精華素，但係用咗又唔覺特別好！咁我又冇用精華素既習慣，又慳番筆！
眼霜
眼霜同面霜呢兩樣嘢我就一定會分開用！因為如果你用面霜去揸眼，好快就會有油脂粒出嚟同你Say Hello！選擇Eye Gel定Eye Cream都會有影響，我建議如果唔係皮膚超乾或啲紋真係好深，都盡量唔好用Eye Cream，我試過用一兩日就即時有油脂粒，好快見效！記住揸既時候唔好打圈，最好用手輕輕點拍，見到吸收晒就得啦！
講開眼，想補充番捽眼既問題

，當眼痕時，我只會輕按眼部，盡量避免拉扯佢！ 面霜
選擇面霜當然要睇你自己係咩性質既皮膚啦！ 份量唔使多，一兩粒黃豆咁多就夠啦,揸太多都只係浪費既啫！揸面霜既時候我會用按摩既手法.
係笑紋既部分，我會由鼻翼向雲精然後沿住耳邊落頸，M字型咁按，唔使3日你就會連笑紋都冇埋！
講完早晚護理，當然我都會做磨沙同面膜, 但唔係好密！以下既項目，好天然同溫和但係好快見效, 鍾意既話日日做都得, 賴既話，一星期一次, 如冇意外，做一次都見效！
註: 小Nel 既皮膚係超敏感型，有咩唔奈唔使一個鐘即投訴，所以你哋可以放心試！
去黑頭
我會用自製既蛋白"媽使"，想知點用就按一吓啦！
另外呢個蛋白"媽使"用途有:  去皺, 防皺, 提升面部各部份同收細毛孔.
營養媽使

我會用有沙狀既蜜糖，加少少水嚟按摩！
其實同一般蜜糖一樣，但係冇咁清， 拎起見沙狀既！

當按既時候連帶有磨沙同補充養份既功效！記住眼既周圍唔好打圈，只係揸好薄同埋唔好太貼眼就得啦！面部同頸部都可以以一般按摩手法去按, 因為有沙狀，所以磨既時候會有少少面紅，所以唔使磨咁奈，一至兩分鐘就夠啦！我通常會按完就順帶沖涼

，沖涼時既蒸氣會幫助吸收！然後先用凍水沖洗！ 呢個媽使，用完會即時感覺到皮膚好有彈性同有光澤！連紋都即時減淡！平時用洗面奶洗完唔即刻揸Cream會覺得掹掹緊，但係做完呢個媽使，唔即時揸Cream都感覺到好滑好潤!
順帶一提，夏天既時候多咗機會著涼鞋，腳暴露咗出嚟，自然腳指同腳跟既部份都會粗糙咗，不妨用呢隻蜜糖按摩幾分鐘，連腳都會潤好多！
今次分享，寫住咁多先！

 假如你哋有咩正嘢，都唔好收埋呀，等我都學吓嘢先！