幾個禮拜前，朋友舉辦既一個保護婦女團體，舉行籌款晚餐，其實呢個活動，舊年小Nel都有份主理越南蒸粉皮，不過太碎料，費事出卜啦！
今年佢哋只係叫咗我同另一班非洲朋友幫手，咁有機會做善事，我都唔會推既，不過真係好累，因為都未食完，就要趕火車，係最後一刻蕃茄改變主意，肯車我返公司，我先可能坐多粒鍾咋！
影呢張相時，已經過咗夜晚八點半，仲係好光！
當晚既主題係佳餚與酒聯婚！每道菜事先都講明比佢哋知個味道同由來，再配合適當既白酒或紅酒！
灰色衫既男仕係一位舞台劇編劇同演員，佢負責今次做司儀！
我負責煮前菜，當晚我整咗茶果，芝麻蝦球
好多人問司儀, 塊葉食唔食得！佢答塊要係中國嚟，激死！其實係係出面街摘嫁咋！
咕嚕雞球配炸米粉, 佢哋話係中國餐館未食過，呢味菜，覺得好特別！
我已經懶冇用五香粉同炸米粉，當晚已經話好味！我以為係客氣說話啫，因為意大利人係唔係都會讚，有時真係唔知邊句真！
不過上個禮拜，有個食客再見到我時，其實當晚佢已經有同我講過讚好，但人太多，佢哋認我一個就易啫，我邊度認得晒咁多人呀！
佢再見到我仲不斷提，話返到公司同去到都靈都周圍同人講，原來中菜唔係好似佢哋係中餐館食既咁，仲叫朋友嚟試吓！問我幾時開餐館，我話只差一樣好重要既嘢，叫做錢！哈哈！
"咕嚕"果然係冇改錯名，啲鬼真係好鍾意！
到主菜啦！係由一班非洲朋友煮成既！唔好意思都要比我呻吓啦！其實我真係唔係好鍾意非洲人，當然唔係全部啦！同我同事既，讀過吓書既都還可以，但係係街上，火車上既，我就避之則吉！
佢哋通常講嘢都超大聲，好似食咗參咁，成個車卡都聽到
！又係火車度開餐，啲味又怪，又棟晒腳咁坐，總之我就想有咁遠走咁遠啦！
到呢班大廚啦！講真，我一條友煮三道菜，仲有個糯米糍，朋友上次食過要求番兜！
但係佢哋就成五。六個人入廚房，舊年已經問我可唔可以出廚房出面包蒸粉皮！好！我還掂都唔使用爐，比晒成個你哋囉！但係咪好唔尊重人呢?!
我今年已經怕咗佢哋，特登星期六煮定，留晒成個廚房比佢哋星期日煮。同樣今年都係兩道菜一班人煮，你使唔使呀！佢哋真係好團結！
仲有另一樣奇怪既係，佢哋唔買新鮮肉，而係雪藏既，舊舊掟死狗，然後即日用大量水嚟溶，咁乜肉味都冇晒啦！ 當然我冇出聲啦！關我鬼事咩！
唔好意思，呻咗咁奈！到佢哋出菜啦！
呢味叫做 "Di Yum" 係用類似粉艼頭(白白地色喎塊)嚟整，效果其硬，有炸香蕉，佢哋用既蕉炸出嚟係又生又酸又唔香既！
呢外喎pat嘢，我唔知係咩，不過係我唯一食得入口既嘢，其他我真係冇牙咬！
到下一尾菜啦！係豬手，不過係全皮同骨，講真，我不褸都怕肥唔好豬手既，但係佢哋煮得唔肥，好膠，係我未知係咩之前，我切咗少少，之後唔止我，好多人都完封不動！
好多朋友問我用邊隻牌子，我係意粉國係用呢隻有成百年歷史佛羅倫斯出品既老牌！ 又香，又冇酒精成份，有成300ml超抵用！!
