水頭充足

相信近日大家既話題都離唔開"盛女"!

呢個節目除咗比大家一個茶餘飯後既話題外，小Nel亦從中有所得益！

唔知大家有冇留意當中有個染咗粉紅色頭髮既化妝師呢? 佢叫 Jessica Leung, 我都係睇youtube 介紹"盛女"既片段時，順便見到，點知係好嘢嚟！

究竟小Nel索到啲咩咁正呢?
呢個片段係教上妝前補水，相信大家都用唔少水份護膚品，我當然都唔例外，特別係歐洲，呢邊既天氣比亞洲乾好多，陽光又勁，更加摧人老！一不留神，70後既童顏就咁摧毀於一旦！

未睇片之前，我講吓我既臨床結果先！
做完拍Toner同按cream後，第一晚皮膚做完即刻由一橫橫變番打井紋！第二朝起身冇反彈,再做一次，全日塊面都冇一橫橫！ 仲有搽cream放係掌心少少，已經夠一日好軟，唔乾！

可能你都會諗，我都有用Toner, 同你咁講有咩分別啫? 分別在於手法啦！拍同搽係兩樣嘢嚟既！你試吓搽cream 同拍cream係隻手度，睇吓邊樣用量會少啲但吸收啲同效果好啲?

搽cream可能推好奈都仲係皮膚上見到一個個圈，但拍就會好快吸收！不妨試吓呢個測試！

註: 我睇過資料，好多人都話玫瑰水係比Toner更保濕，同更天然，所以我都係用玫瑰水代替Toner！

如事者，我早晚各做一次，毛孔收細晒，面部既紋狀變得越嚟越細！皮膚有番足夠水份，自然冇皺紋啦！我用玫瑰水，用到圓面變瓜子面呀！真係意想不到！睇書變底頭族，頸紋亦越嚟越深！用咗幾日開始變淡！

貴同平既牌子我都用過，但最有效既絕對唔係有咩成份或邊個牌子，而係懂得正確方法就得啦！