回香記 (1)

時差
做番地球人都差唔多半個月啦！
頭一晚時差當然有，一點係電腦前，三點又係電腦前，五點都係, 終於捱到天光！
咁落去唔係辦法，好彩我第二日約咗醫生做檢查，順手問佢攞安眠藥旁身。
佢千叮萬囑我唔好飲酒，以免一睡不醒。第二晚我瞓前食一粒，當然係成晚死豬咁啦，瞓就瞓到，不過你唔會覺得喎個叫瞓覺囉！
不過總算克服咗！
濕平
呢個係一個好重要既環節！事關小Nel只係身度著住一套，再加多一件係喼咁大把！係咪一個好好既濕平藉口呢！
如事者，係我既勤快作風，同係意粉國忍住成年都唔買衫既爆炸力推動下，兩日廿件衫，兩對鞋，頂住先！
仲有電番個Sammi頭，咁先至冇人知我係外太空番嚟嫁嘛！
有魔鬼卜友帶我去深水涉買冰皮月餅模！嘩！喎度好邪惡嫁！有股好強既吸力去吸乾我個荷包！
又有魔鬼卜友帶我去Joyce買Cream! 個荷包即時輕晒！
第四日已經濕平到入離島！勁！
會友
配套做好，就可以開始見人啦！
一早約好晒既朋友，每日跟住行事表赴會，收到好多友情同禮物，多謝各位既熱情招待！
有卜友陪我睇話劇，依家我充滿能量啦！
食
見朋友，就緊係離唔開食嫁啦！唔知點解，今年我好抗拒西餐，見到餐牌有意粉，直情想反枱呀！
到今日為止，我已經食咗口水雞，韓國燒烤，西貢海鮮, Sheraton Tea Buffet, 印度餐, 麻辣火鍋, 板長放題 (晚市$168+1! 超正!) 嚟緊仲會有Seafood BBQ!
淘寶
呢樣嘢，真係Take唔過，仲慘過索K, 好難搣!
今年到暫時既戰績，包括有90%羽絨，長到落膝頭，由我返嚟前見到同一件五舊，反季傾銷到三舊，再減到兩舊！問你點忍！
收咗貨，好發滾！係正貨！
仲有買咗豆漿機，兩舊水送到門口！點忍呀！