唔好以為我係用咗啲咩特效防皺霜或者日日食燕窩！小Nel家貧，呢啲嘢對我嚟講好遙遠！
講真由我16歲開始護膚到依家，共22年既護膚經驗
，我可以話比你知，70％既保養係習慣，30％既係你用咩護膚品！ 護膚品其實貴同平既分別唔係成份同功效，而係你捐獻咗幾多比代言人
！ 講真，小Nel既皮膚絕對有缺點，當然試過唔同牌子, 咩LanXXge, DiXr, ChaXXl, PoXds, KaneXXbo, 雪X秀, 除咗有三個牌子EstXe LauXXder, LancXme 同SK3之外我差唔多乜都用過,
但係冇一隻令我有"叮"一聲同再買既衝動！
如果你保養得好，護膚品既選擇就唔係在乎於咩牌子對咩年紀既皮膚，而係只需要選擇性質，例如油性,中性,混合或乾性！廣告標榜針對各種奇難雜証既護膚品都冇可能起死回生，咩擊退皺紋，眼袋！黑眼圈呀！廢話啦！
先講吓咩嘢唔好做先！戒除陋習好緊要！因為如果你不斷咁破壞，就算你食番幾多補品都補唔番啦
！ 我覺得食煙同夜瞓 (習慣超過11點半以後瞓既)，你買咩名牌護膚品都係等同丟錢落海！嚴格啲嚟講應該盡量係晚上午10點至2點為之美容覺！要做mask係呢段時間都會好吸收！
唔夜瞓已經少咗個眼袋同黑眼圈啦！
有一樣嘢我真係一定唔會做，就係捽眼！大家都知道，對眼周圍既皮膚係幾咁薄，好似條橡根咁， 捽得多都冇晒彈性！淨係呢個習慣已經可以令你老幾年啦！
啦！咁又少咗啲眼紋啦噃！
後生既時候，你可能仲有大把貨 (我指既係骨膠原), 但隨著歲月蹉跎，季節轉變，出入冷暖氣，冷縮熱漲，毛孔除咗比污垢填滿，清潔完唔冚反個蓋，轉頭又裝滿！日復日咁，皮膚想有彈性都難
！暴曬就更加唔好講啦！同抽濕機有咩分別呀?! 食煙既人，當三張嘢，塊面既毛孔真係會大好多，仲好易鬆
！
咁又少咗雙下巴啦！當然我仲有其他招數啦！ 食物習慣我反而冇咩特別，小Nel冇辣不歡，辣照食, 酒照飲
! 我亦好少飲水同食生果！當然咁樣對身體都唔係幾好啦！不過凡係會食肥人既高卡嘢我都唔會掂，只係費事搵自己笨，食完又要減啫！ 有人話臨瞓前唔好飲水，如果唔係會水腫，我又唔覺噃！我臨瞓前仲一定會飲起碼半杯水，尤其係係意粉國， 口乾到有時要半夜起身飲水！
寫住咁多先
，下回會講究竟咩習慣同護膚品可以又平又會即時見效！
沒有留言:
發佈留言