自家地道意大利菜

呢篇卜係小Nel特別寫比我既好朋友新任劉太既新婚禮物!
上次同你食飯既時侯, 聽到你話唔想做冇飯夫婦, 就算點忙都想放工煮啲簡單西菜俾老公食!  小Nel曾經聽過一句說話: 要挷住一個男人既心,先要挷住佢個胃! 我就覺得幾有道理啦

! 係香港出街食咁多選擇, 如果老婆仲肯返屋企煮, 呢個年代都算係唔話得啦! 見你咁賢淑

, 就私人醒你幾道係香港都好易搵到料

既地道意大利菜啦!
第一道 – 薯仔沙律 – (可當飯食)
呢尾菜係冷盤嚟既, 由於意粉國夏天太熱, 熱起上嚟真係食唔落熱嘢!
材料如下: 薯仔 3-4個      生蒜蓉 一粒份量    莞茜碎 少許  鹽  少許
Olive oil  少許
做法:
1)      薯仔批皮切成一舊舊, 放入水中烚熟, 掠水備用.
2)      加入生蒜蓉, 莞茜碎, 鹽, Olive oil拌勻, 食得

!
第二道 – 蕃茄沙律 – (可當菜食)
材料如下: 蕃茄3-4個   Basil  少許      鹽  少許    Olive oil  少許
做法:  生蕃茄去皮, 加入其他調味料拌勻, 食得

!
第三道 – Carbonara (說穿了就是煙肉蛋意粉)
一般正統既意粉通常係冇料有汁，但係呢個係冇汁有料仲好惹味！

材料如下: 意粉  200g    煙肉少許      蛋2隻      芝士粉 少許 (落唔落隨你啦！)
仲有蛋唔係炒蛋，而係好似港式炒飯咁將發好既蛋汁加芝士粉拌入意粉度，試吓啦！
我懶，唔寫咁多啦！睇片啦！

註:  想煮有咬口既意粉其實超易！就係跟每包意粉上面都會例明要煮幾多分鐘, 水滾後落一茶匙鹽加入意粉，夠鐘就試吓得未，如果過鐘就會太淋！然後掠水加入醬汁就得！