自製蕃茄醬

蕃茄醬對意大利人真係好重要, 無論煮意粉或者煮餸都有佢份!
每年我奶奶屋企都會自己種蕃茄, 當收成既時候, 我哋就要總動員出動去整蕃茄醬.
佢哋有部專用機器嚟整, 然後放滿係酒窖足夠一年用. 不過去年唔夠熱, 啲蕃茄收成少,唔夠用, 所以我要自己買蕃茄整茄醬.
要整蕃茄醬其實唔難, 不過要有時間!
先將蕃茄洗淨, 用滚水煲到啲蕃茄皮開肉X......哈! 我唔敢寫啦!
倒走滚水後, 用刀切開蕃茄,  按走啲蕃茄水後, 準備一個大碗上放上Lo Chinois (下圖器皿) 或細密既麵粉篩按蕃茄蓉, 過唔到既蕃茄皮同籽會留係上面

將大碗內既茄醬入樽加入Basil
如果想儲存時間長啲, 可以封口後, 成樽放入一煲滚水內,煲至水滚後待回泠後取出, 可存放一年以上.
我用5個吋半既蕃茄, 可以製成呢樽茄醬夠煮2次意大利粉

自製蕃茄醬可以冇防腐劑!