威尼斯外島遊 Burano

行咗威尼斯主島咁奈，不如行吓其他外島避吓人都好！
如果嚟過威尼斯或對威尼斯有認識既卜友都會知，呢度有兩個好出名既島，一個盛產玻璃叫做Murano，另一個冇特產，但係好色彩賓紛既島叫做Burano 。 佢哋個名差頭一個字母嫁咋！

如果冇帶相機嚟既朋友，嚟到一定會氹心口， 是關呢度雖然冇咩特產，但係特別之處係間間屋都唔同顏色，個個嚟到都會心情開朗啲！

仲要係間間既顏色都咁鮮艷噃！
因為呢度都係旅遊區，小Nel邊行都撞到唔少外地遊客同港人， 時不時都會聽到佢哋問身邊朋友同一個問題， 就係如果你係度住，你會油咩色呢?

小Nel見到呢間屋，直情想痴係度唔郁呀！咁你哋依家知我鍾意咩色啦！

幾年前嚟既時候，唔夠半個鐘就打道回島，因為冇啖好食。今次嚟，啲餐廳開到成行成市，16歐都有個海鮮意粉加主菜，當然酒水另計啦！

呢間屋出售噃，你哋有冇興趣係度置業咁呢?

臨走見到呢架似賊船既觀光船，影埋佢先！