Lago Maggiore - Stresa - Isola Bella 美麗島

尋日係公眾假期，茄生提議去遊湖。 小Nel以為又係係雪山區上面啲凍冰冰湖，我驚凍同坐草地會痕，係都要著住條長褲去，點知去到晒溶我！
呢個湖叫做Lago Maggriore, 喺係意瑞邊界，Cannobbio以上就係瑞士啦！亦都係都靈Torino同米蘭之間，尋日就有唔少車返米蘭啦！

地圖上所有橙色圓點都係沿住湖邊既小鎮，我哋去咗Stresa落腳，喎度都有火車站同去瑞士既快車。
鎮內冇咩特別，又冇土產，賣既嘢都係係其他省攞嚟。反而望向湖中心，有三個島，令我諗起杭州千島湖，不過呢幾個湖比我既感覺好人工化，不過茄生話係天然既，後嚟先至加以建設。有幾人工化? 睇吓就知啦！
下面呢個島叫做Isola Bella意指美麗島咁解, 呢個島同另外一個Isola Marde屬於同一個Borromee貴族擁有, 到呢一代，島主就係Fiat 快意集團老細太太，佢自己本身就係貴族，佢哋既婚禮亦係係另一個附近既島叫Isola Madre(母親島)度舉行。

周圍有雪山圍住

外圍都幾靚嫁！

話明貴族，島上邊就多數都有行宮嫁啦！入面仲養咗啲非一般平民會養既寵物添呀！唔係養獅子老虎，係好有氣質既孔雀呀，仲有好多隻添呀！佢哋會周圍走，唔怕人，講真佢先至係住戶喎！

 

至於島內又如果呢 除咗堡壘以外既地方都有民居既，睇吓就知啦！

嚟緊仲有Isola Madre(母親島)，多謝收睇！