San Palio 花式區旗比賽 (1)

噚晚係San Palio花式區旗比賽, 呢個比賽已經40年歷史. Siena 既花式區旗隊都好出名.
係Asti入面分成21個區域, 有啲區域只係得幾條街既範圍, 有啲會大到半個維園咁大.
小Nel住既區域叫做San Marino San Rocco區色係綠白, 鎮既中心區域叫做San Secondo區色係紅白.
每年係San Palio節中既星期四晚, 都會係鎮既中心嚟個比賽, 佢哋會著300年前城堡入面士兵既服飾.
隊伍入面包括有鼓隊同花式旗隊, 花式旗成員會聽從鼓隊既節拍舞動旗幟!
呢種花式旗源自中古時期, 當時城堡入面士兵, 為咗向其他有聯繫既城堡發出訊號而用既. 後來發展成依家表演或比賽.
其實Asti 既花式區旗隊, 係幾年前都嚟過香港參加年初二既巡遊嫁!
講咗咁奈, 係時候去片啦! 以下係San Secondo鼓隊同Asti花式旗隊進場!

Asti 旗隊係嚟自各區旗隊既精英, 好似國家隊同祖雲達詩既分別!
所以每人既制服都唔同顏色, 但如果係區隊, 成員制服顏色係劃一既!

拋旗啦! 幾高! 其實係好危險嫁! 萬一邊個接得唔好, 分分鐘有意外發生嫁!

仲有Video, 記得密切留意小Nel部落!
待續...........