麵包係海綿白潔布?

橄欖油同麵包係意大利飯枱上必備既食物!
眼見好很多人到意大利餐廳食飯, 叫完嘢食等上菜既時候. 除咗隻眼會週圍望, 欣賞吓四周既掛畫外, 隻手就會好自然咁倒啲橄欖油同醋落隻碟道. 然後攞麵包點橄欖油嚟食. 
呢個食法, 基本上冇問題.  不過, 我就未見過係意大利有人咁食啦!
通常係意大利既餐廳就算坐落都要等好耐至有得食, 

所以佢哋枱上既麵包除咗要嚟比你頂住肚外, 佢亦係一舊海綿白潔布, 點解咁講? 
因為意大利人太有衣食啦! 當食完每一道菜, 佢哋都會用手搣開小小麵包嚟抺乾淨碟上既汁, 然後食埋佢.  如果想有儀態啲可以用叉拮住小小麵包嚟抺碟, 塊麵包吸收晒隻碟上面既精華, 好正!
假如你嗰日唔使節食, 不妨可以試吓, 不過都係嗰句, 肥咗唔好癩我!
仲有, 假如我哋係屋企食飯, 食完主菜通常會食生果.   但係把刀又有汁咁點批蘋果呢? 當然又係搵搣塊麵包白潔布嚟抺刀啦, 如果有衣食就食埋佢啦!

P.S.: 記住用手搣麵包唔係用口咬, 因為啲麵包實在太硬啦, 隨時連副假牙都飛埋出嚟,     另一個原因係通常未必可以食得晒成個包, 如果係屋企,佢哋會將淨底既包放番入紙袋留番下餐食!
以上全部事實,并無老吹!