意大利人咁注重外表, 垃圾呢啲咁小既問題, 正常唔應該攪咁奈. 但因為意大利政府既無能, 比班自私既居民攪到成街垃圾, 真係無鬼用! 佢哋因為唔想係自己屋企附近有垃圾堆田區, 寧願與垃圾相伴, 呢種智慧係我哋永遠都達唔到!
夏季將至, 希望佢哋盡快解決呢個問題, 如果唔係分分鍾會有鼠疫, 我就唔明點解亞陈溤富珍仲唔下命令叫佢哋拾垃圾呢?!
所以, 我幾時都好自豪咁講香港係最好既! 亦好好彩, 我唔係住係意大利南部, 如果唔係我已經返咗香港啦! 因為我最怕老鼠既!
講番我住近既北部, 幾年前佢哋開始垃圾分類, 以我屋企為例, 就有五個不同類別既垃圾埇. 我當然支持環保啦! 亦因為用者自付既原則, 當你一有身份證, 市政府就會叫你交垃圾費! (叫佢哋做嘢又唔見咁快!)
除咗有收集有機垃圾即果皮, 魚骨及唔能夠分類既垃圾收集箱外, 以下圖片就係不同類別既垃圾收集箱啦, 我哋冇係香港咁幸福, 要自己行落行倒垃圾!
呢個係收集舊衣物既, 不過通常啲吉普賽人會幫手收集嫁啦!
呢個係收集玻璃既, 意大利人咁鍾意飲酒, 所以玻璃樽都好多!
呢個係收集電池既!
呢個係收集塑膠既, 呢度啲人唔會自己煲水飲, 每個禮拜都要買水飲,
所以膠樽特別多!
沒有留言:
發佈留言