五一飯局

五一嗰日, 約咗朋友一家嚟我哋屋企食飯.  朋友係上海人, 係中國識咗個意大利人, 而家女兒已經8歲, 佢似中國人多啲!
今日既飯局好突破, 因為我老公第一次入廚房幫我手(佢通常只係係飯枱幫手,食!) 呢碟前菜係我督工下完成, 都算收貨啦!
Mozzarella 芝士, 橄欖同車厘茄串, 似唔似意大利國旗呢, 哈!

我整咗個酥皮菠菜批, 係佢哋指明要食既亦都好俾面同我食晒佢!

朋友好鐘意食菜, 我炒咗碟 "七彩什菜" 裹面仲有好多維他命!

主菜係法式白酒煮青口, 其實我都係第一次整, 因為超市大減價1.74歐羅1kg, 我老公一口氣要2kg, 點知我返到嚟要用1個鐘頭去洗青口, 連我啲指甲油都甩晒, 先洗到見得吓人, 我勸各位都係出街食青口啦!

上個禮拜六係遊藝會到食過呢個德國蘋果酥皮捲後, 覺得都應該唔會太難整, 所以今次用朋友嚟做白老鼠, 又成功啦!

朋友亦都有買咗個好靚既 Mousse Yogurt e Frutti di Bosco 野莓乳酪蛋糕嚟, 今個禮拜又可以慳返唔使整蛋糕啦!