茄子千層 Melanzane alla Parmigiana

呢排啲茄子平, 我見肥仔食晒個蛋糕, 開親焗爐不如整埋個
焗茄子千層Melanzane alla Parmigiana啦!
呢個係傳統既意大利素食, 材料只有茄子, 番茄醬同Mozzarella芝士 好好味 !

做法係:
一:      先將茄子切片, 然後用鹽放係每一塊之間. 等幾小時後, 佢會出好多水, 我通常會之前喎晚做呢個步驟
二:      倒走啲水, 用水沖走啲鹽, 然後用廚房紙吸走啲水, 用坈紋鑊或平底鑊乾煎佢 (記住唔好落油!)用細火略煎佢三分鐘度, 等佢再乾身, 然後上碟備用
三:      預熱焗爐180度
四:      打開包Mozzarella芝士, 倒走入面啲水, 用廚房紙吸乾水份後, 切薄片備用
五:      預備一個可以入焗爐又較深既器皿, 放一塊茄子,  然後放一塊Mozzarella芝士係上面,再茶啲番茄醬
六:      重複步驟五, 直至所有材料放好, 建議最後喎層茶啲番茄醬, 然後用錫紙係面焗佢二十分鐘! 咁就完成啦!
P.S.基本上所有材料係入焗爐前都已經熟, 只不過想溶咗啲Mozzarella, 如果出焗爐時你見到有好多水, 即係啲茄子同Mozzarella唔夠乾身啦!
祝您成功啦!  ENJOY!