突襲

意大利人真係好鍾意玩 "突襲"! 初初真係好想殺死佢哋!

奶奶事例-
朝早九點幾, 佢會突然走上嚟揾你! 為既只係同你say Hi!
( 所以你唔可以唔清潔間屋, 唔可以訓到黃朝百晏! 佢仲要求我日日洗厠所!)
另一次, 我明知奶奶會嚟揾我. 當我係街到望上去個露台時, 我唔見有人, 但當我入到屋時, 奶奶成個企係我面前, 又一次挑戰我既心臟!

老爺事例-
係你唔係屋企既時候, 老爺會隨時走嚟借用你個厠所!
( 有一次當我返到屋企,發現個厠所板蓋上! 我明明記得出門口前唔係咁! 仲要等第日先至話比我知. 嚇鬼死我!

又有一次朝早九點幾, 樓下門鍾響, 就算唔知係邊個都要應門嫁! 當我仲同下面嗰位呀生講緊既時候, 我老爺突然用佢條鎖匙開門, 今次我仲唔扮到心臟病發呀?!
佢話佢擔心下面嗰位呀生會意圖不軋喎! 咁都唔該通知一聲先呀!

朋友事例-
不論朝早九點幾, 或者夜晚九點幾, 佢哋會無程程走嚟揾你, 而你既雪柜仲要隨時有個蛋糕或甜品去招呼佢哋!
我有個香港既朋友, 去到佢Napoli男友家中. 有朝早比佢啲朋友噪醒, 原本佢哋已經坐係床邊打緊機, 我個朋友除咗未執返個樣外, 仲係着住條T back, 都唔知點算好!
專家話飲紅酒可以預防心臟病, 我諗我都要飲多啲啦!