自創水蜜桃藍苺酥皮批

我好鍾意用酥皮整嘢食, 因為可以唔使自己猜粉, 又可以做到好多唔同既菜式!
之前係"又有飯局" 度整咗個藍苺酥皮批, 其實我都係第一次用酥皮整甜品.
因為解凍咗啲酥皮整完小食後用唔晒, 所以張計就計用埋嚟做甜品, 朋友一口氣食咗3個!
材料有:
酥皮一份      藍苺果醬      水蜜桃一罐      蛋黃一個       糖霜少許      朱古力醬
程序如下圖由右至左
1) 解凍酥皮後, 通常我會先用手指按薄啲酥皮先. 一嚟可以整多啲, 又唔使焗完出嚟成架雙層巴士咁厚!
2)  其實形狀任你定, 我就用咗圓形模, 然後放藍苺果jam係上面
3)  再放一塊水蜜桃, 然後蓋上另一塊酥皮, 沿邊封口
4) 想靚啲既話, 可以搽啲蛋黃係面, 咁焗完出嚟就唔會白雪雪啦!
5)  放入焗爐用180度火, 焗25分鐘

6)  出咗焗爐之後(下圖上), 酒上糖霜再加朱古力醬上面, 咁就完成啦! 係咪超易呢!