洗手間

有朋友將會歐遊, 我怕友人, 人有三急後, 會有我以下既問題, 所以先行預告!
係香港, 當你人有三急時, 你可以借用附近餐廳既洗手間, 基本上都唔會有人話你.
但係意大利, 就算你搵到一個洗手間都要過以下幾關!

搵洗手間 - 收費洗手間 1 - 通常係大火車站或公共洗手間都要收費, 可能係€0.5或€1.0-去一次廁所.

有啲火車站既廁所門口要好比錢入閘, 但無人或唱錢機係附近standby, 所以幾時都要有散銀旁身!
個閘仲會好快關同幾窄, 我見過有人兩個一整衝閘, 點知好快咁夾住第二個, 真係陰濕!

收費洗手間 2 - 有啲公共洗手間會個亞毛坐係門口收錢.  有啲會明碼實價, 有啲未必有限定幾錢, 但係都要識做.

通常bar都有洗手間, 但係你就要好識做咁叫啲嘢飲先, 如果唔係.......

如廁後 - 
當然要沖廁啦! 有啲沖廁唔係後面, 而係地下有腳踏, 記住搵吓啦!

出咗洗手間 -
去完洗手間, 當然要洗手啦! 幣! 攪到成手泡,  冇水製,又唔係有sensor?! 點算?! 

同一樣, 試吓望吓個地下. 如果見到下圖洗手盤咁, 有腳踏既, 咁你明啦!

如果你見到洗手盤同廁所之間, 有個似係洗手盤同廁所既混合板(如下圖).
呢個東西, 我都住咗好奈先知, 係要嚟洗個八月十五既! 當然唔會好似日本既咁犀利啦!
都係全自動, 不過係全部你自己動躇!