Hoi Fan La! 開飯啦!

小Nel又一創舉!
我剛剛係上個週未, 係朋友既private club入面, 公開煮中菜比60個客人一齊開飯!
事緣蕃茄有一班朋友, 租咗個地方招待朋友,依家每個禮拜六,我哋唔使再頭痕去邊度食飯啦!

本來我哋諗住見係朋友一場, 幫襯一排啦!
點知佢哋實在太平啦! 5蚊歐羅一餐餐前酒buffet, 話就話係餐前酒, 其實有飯有麵有pizza, 食完都飽晒啦!
後嚟佢哋煮嚟煮去都係非洲菜, 意大利菜, 我就開始頂唔住,同佢哋講不如我煮餐中國菜換吓口味啦!
就係咁, 小Nel就跌入佢哋為我度身定做既天仙局啦!
廢話一輪, 大家一齊睇吓我攪咗個咩菜單出嚟啦!
有雞絲粉皮  西芹炒蝦仁  焗叉燒, 豉汁煮魚柳, 椰菜花炒紅蘿蔔
福建炒飯, 炒麵, 糖不甩, 笑口棗, 豆沙窩餅
佢哋問我, 事次飯局應該命名為咩好呢, 我隨口就答"Hoi Fan La! 開飯啦!"
呢張poster係佢哋幫我出既! 幾靚嫁!
我都print out 咗一張, 學太公話劑, 要搵相架鑲起佢, 放係屋企走廊啦!  哈哈!

雞絲粉皮

豉汁煮魚柳

福建炒飯

椰菜花炒紅蘿蔔

糖不甩, 笑口棗, 豆沙窩餅

豆沙窩餅

糖不甩

我哋3個女仔, 由星期五晚煮咗2個鐘, 星期六再由11點煮到下午1點, 午餐後再由下午4點煮到夜晚8點!

準時係夜晚8點開飯前煮起晒十道菜!
啲鑊隻隻都好大隻好重! 煮完一日, 隻手臂即刻有米奇! 好過做gym呀!
班人好似啱啱放監咁!  焗叉燒買咗4KGS半肥瘦, 唔使3分鐘, 蕃茄捧返隻吉碟返嚟問我仲有冇! 嚇死我呀!
超恐怖! 喎晚唔包嘢飲只收8蚊歐羅, 連埋嘢飲總收入有成800蚊歐羅!
連我自己都估唔到! 有咁好成績!
由於開始構思呢個飯局既時候, 意大利發生大地震, 我要求佢哋捐款比有需要既災民, 當然我唔可以控制到啲錢, 係咪真係可以送到佢哋手上. 但求個天知就得啦!
由於班朋友已經食過我煮既其他亞洲菜式, 佢哋即刻問我下個月可唔可以嚟一個亞洲之夜! 我咁順德人, 更係冇問題啦!