豆沙窩餅

唔好意思, 咁遲先出個食譜. 因為小Nel部腦同我個腦因天氣炎熱, 中暑慢晒呔!
見你哋對個豆沙窩餅咁捧場, 小Nel就寫個食譜出嚟, 公諸同好!
有興趣既Blogger不妨試吓啦!

材料好簡單: -
作料- 紅豆蓉8湯匙     雞蛋黃一個+水1茶匙     油3湯匙
皮料- 普通麵粉3/4杯   大雞蛋1隻   水1杯   油2湯匙

主角豆沙 -假如搵到現成豆沙就當然好啦!
假如搵唔到就要嚟煲紅豆沙啦, 煲完既水加糖再煲一陣就係起晒沙既紅豆沙啦!
(假如係海外搵唔到中國紅豆, 可以試吓用紅腰豆罐頭代替 - 雖然冇紅豆咁香甜但係免煲, 可以慳火!)  
攪掂紅豆蓉就加埋雞蛋黃一個+水1茶匙, 糖(耍幾甜隨個人喜好)同油3湯匙, 煮至糖溶

皮料 -
大碗內放麵粉, 中開一穴, 打入雞蛋以木匙拌勻, 逐少加入水, 不停循一方向攪拌成一幼滑麵糊, 再加入油拌勻, 擱置十分鐘.
煮法-
用不黏底平鍋用廚紙薄塗些油, 置中火上熱. 倒入1/3杯麵糊,立刻搪勻鍋面.
至餅邊開始離鍋, 便可反轉, 再熱多30秒成.

包法如下圖, 先放豆沙蓉於中央, 將餅邊塗上蛋汁然後封口,
放入平底鍋煎香便成!

唔係好難, 不過幾多功夫! 不妨試吓啦!