分屍!

繼7e既爆缸後, 小Nel都嚟個意想不到既分屍!
點呀! 激唔激呀?! 今朝熨熨吓衫

, 一放底個熨斗, 佢自己一個坐唔穩, 轉體翻騰三周半落地開花, 小Nel即時富貴又榮華

!!

上個禮拜條膠電線用得太奈, 連入面既三色線都出嚟同我say "Hello!" 蕃茄睇唔過眼, 要蕃茄爸幫我哋拎咗去換過條電線, 使咗十個歐羅. 仲比捱壞潤我

, 冇咗個熨斗成個禮拜點算?! 佢都傻傻地嫁! 你估我真係好似佢哋咁日日與熨斗為伴咩

! 我同捱壞講, 我每日用四個鐘頭來回, 乜你以為我仲可以日日熨衫咩?! 註- 大部份既意太都好鍾意熨衫, 出街既衫唔在講, 連屋企所有枱布, 餐巾, 抺手布, 床單, 底衫褲, 有啲病態嚴重既連襪都熨! 我永遠都唔會做晒全部, 啋佢都傻呀!
講返個熨斗, 換完線, 一次都未用完, 轉頭比我一個唔該, 榮休咗!
小Nel比蕃茄省到笠笠拎

! 都唔敢比捱壞知, 費事轉頭又驚我乾燥得滯, 滋潤吓我! 啱啱諗緊點用超市累積返嚟既7千幾分, 其中有以下既物體, 出面要成百柴歐羅, 諗吓不如免費用咗啲分啦!
去度問吓呢隻既點用, 佢哋話可以熨連續幾個鐘都得! 小Nel即刻唔想要! 怕怕

!