服毒 . 解藥

呢排開始逄星期六,日我揸車

. 終於比我攞返個發球權！車匙係我手想停邊度都得,  心情自然靚靚啦

! 有心情就開始有番mood去煮嘢食! 有睇開小Nel blog既blog 友都知道我自從嚟咗意粉國後, 啲皮膚攪到好大鑊， 有時一個唔小心食咗啲違禁品， 就好似食咗毒藥咁樣衰到無論

！ 自從戒口之後，到依家都有成半年時間冇食過甜品，Pizza, 蛋糕，餅乾啦！
上個禮拜收到有間舖頭專賣有機嘢做promotion, 以前叫親蕃茄停車都要藝契爺咁藝

，依家我話事就梗係去睇吓啦！ 我都估到嗰度一定有嘢啱我呢啲麻煩友嫁啦！ 果然比我搵到解藥

, 呢種提子做既發粉，

唔係用啤酒發酵既麵包，餅乾, 仲有黑豆，黃豆等等。。。
上網搵到黑豆除咗補血，鈣質高過黃豆之外，仲可以醫濕疹同皮膚病， 啱晒我。 不過真係唔平，成兩歐幾半公斤黑豆，我會鏡住用，留番啲，睇吓蕃茄爸肯唔肯幫我種，如果種得成，我又可以慳啲啦

！ 噚晚返屋企，煲咗黑豆豆漿，又用呢種發粉, 唔食牛油落咗植物牛油，唔飲得牛奶落豆漿, 改頭換面後小試牛刀整咗個朱古力蛋糕 (唔係小雲喎舊呀！)

蕃茄話靚到唔舍得食喎！ 下次我放埋有啲顏色粒粒落去，可能仲似聖誕樹

！今次落住雪先啦！