賴人焗羊架

你哋冇睇錯，小Nel呢味菜叫做"賴人焗羊架"!

講笑啫！ 不過如果想嚴肅啲

既可以叫做 "咖哩什菜薯仔焗羊架" !

係意粉國既夏天實在太熱啦

！個焗爐可以退朝！ 當冬天煮飯時，小Nel間唔時都搵吓鐘無艷返嚟幫吓手，乜嘢都隊晒落去，然後等食，間直係賴人恩物呀

！ 焗羊架係係呀Grace度抄番嚟既，小Nel冇佢講既焗盤所以咪嚟個一品焗囉

！ 我照樣先搽油係玻璃焗盤，再放切粒薯仔，洒少少鹽同香草，咩味隨個人喜好啦！我就鍾意落Rosemary 迷迭香啦!
想均衡啲就放啲蔬菜落去，我放咗西蘭花，洋蔥同椰菜花。 當然西蘭花同椰菜花要先出水再過冷河，等入面既蟲蟲走晒出嚟啦

！想香口啲就炒炒佢先放落盤，不過唔炒味道都還可以！ 今次我落咗咖哩醬，加豆粉水開成醬後淋上羊架上，蓋上錫紙, 放入焗爐180度焗40分鐘，食得

！ 因為羊肉味重，所以我用咗咖哩配，而羊肉汁焗起後會流落下面既配菜度，連配菜都會有羊肉味。怕辣既可以轉其他香料，例如迷迭香都好惹味嫁

！