意粉國國慶150周年

3月17日係意粉國立國150周年!

下圖就係意粉國未統一之前既版圖啦！

意粉國統一南中北唔係靠皇帝或佢之下既功臣！而係佢Giuseppe Garibaldi

佢可以稱得上意粉國國父，係一位獨立派人士，出身法國尼斯，屋企係船運世家，但係佢志願係幫意粉國統一, 并自組紅衛兵。

當時，好多現時意大利版圖內既國民，都覺得意粉國應該係一個統一既國家，所以當佢搵自願軍時，好多人民都好樂意，當紅衫軍都任何村莊，民眾直情叫佢哋唔好離開，因為怕其他國家軍隊回頭！

佢份人好隨和，就算入到皇宮或保壘，都唔瞓床而打地舖！自己洗衫唔靠人！

當時民眾都好尊敬佢，手下見佢休息，就主動叫附近市集既人收市，而大家都會好合作返屋企，可想而知佢幾咁受人尊敬呢！

當時佢都未打到意南， 意南既皇帝就已經聞風閃人啦，當Garibaldi到皇宮時，已經空冇一人！

但佢冇自封為王，當統一晒成個意粉國之後，佢點指兵兵，揀咗意北皇帝Vittorio Emanuele, 佢就冷手執個熱煎堆, 繼續為皇也！ 睇佢執鬚就知佢有皇帝命啦！

係統一咗意粉國後Garibaldi就退隱江湖，告老歸田！ 

7年後，再出戰，收鈉埋當時屬於奧地利既威尼斯內意粉國版圖!

同年，教皇被剥奪世俗權力，退居梵蒂岡，意大利统一最後完成。 成為今日既意粉國！