堐壞語錄之-"呀！我唔知道!" Ah! Io non loso!

小Nel堐壞(99) 有句說話好鍾意講，叫做"呀！我唔知道!"
唔好認為呢句係一般既你問佢問題而佢答你，佢唔清楚喎！
佢講得呢句，通常都係係你根本冇問過佢嘢，而佢自己想你聽啲嘢！
仲係唔明係咪? 好，例句一:
佢話要買裇衫比茄生，叫我幫眼揀，我揀完見有條Tie幾啱佢，就順手要埋，話係我比錢，點知佢不停咁話 "我就覺得唔好啦！不過我唔知道吓！"
"Secondo me e non mi piace ma io non loso!" 個Sale好識睇眉頭眼額，聽到佢唔鍾意，就加入戰團， 落重藥搬晒成堆佢自己認為我會買既款出嚟，最少十條！
然後捱壞不停口咁"銀"我，不斷重覆佢認為有得比我揀既決定！我忍！我冇係言語上頂撞佢，不過就不停咁話，我明！ "Ho capito!" 最後我真係冇理佢同件塘邊鶴，比錢埋單！唔好以為佢會收聲，佢一直銀我銀都出舖頭，經過大街小巷，見到茄生先收聲！
例句二:
你見到佢自己已經買過喎種花，係一定會鍾意既！你賣花時順手買多盤比佢，送埋去佢屋企，話明比佢知，你買咗兩盤一樣樣既，叫佢攞一盤。
假如你係佢，你明白我既指示嗎? 但係佢仍然可以運用多次"Ah! Io non loso!"
"呀！我唔知道!"
我都頂佢唔順，答咗句 "Ah! Anchi'o non loso, se voi prendere, se non lasciare!" 即係話，我都唔知呀，你想要就拎，唔要就休得佢啦！叫蕃茄問佢要唔要, 我最盡係唔出聲，唔好迫我埋牆呀吓！
即係咩意思? 你唔好煩我啦，要就拎，唔要就擺，唔好係我面前仲扮晒蟹，我費事睬佢!
呢度講呢度散呀， 每逢茄生出差或應酬，佢都會打嚟我哋屋企，但係我太獨立啦，賤骨頭，唔慣有人咁溫馨提示，好多時我特登唔聽佢電話！比我鬆吓啦！捱壞！