香橙慕絲 Mousse alla Scorza d' Arancia

呢個甜品既誕生，其實係要多謝Pandos - 喺慕尼黑同May姨, 我跟佢哋既食譜做咗橙皮朱古力之後，從中攞到靈感, 覺得可以加入我之前整既栗子忌廉批 (附食譜)度，轉吓口味!
另外有剩既Mousse，我用杯仔再整咗4杯！
蕃茄鍾意呢個多過栗子添！ 我就覺得橙味比較清新同四季都易搵料！
Mousse alla Scorza d' Arancia

材料:
3個大橙 (只用橙皮), Cereal, 蜜糖, 忌廉 200ml 一盒, 奇異果一個, 肉桂粉少許,
朱古力粒少許
1) 餅底:先將Cereal加蜜糖混合，然後放入圓模內, 放入雪柜待用
2) 中層Mousse: 發起忌廉放入雪柜待用 (因為處理橙皮需時，打好既忌廉可以放入雪柜一晚Mousse效果仲挺身！
3) 橙皮處理方法, 我跟May姨既做法，先用加咗鹽既滾水出水一次，然後再出水多兩次之後，加入沙糖入滾水煲半個鐘，然後再浸一個鐘, 我覺得已經冇橙喼味而唔係太甜就夠啦，不過口味當然隨個人喜好啦！
**落幾多沙糖可以隨個人甜度喜好, May姨話原本食譜落一比一糖，我落得仲少過May姨, 因為我只係煮到橙皮有甜味同唔喼，煮唔到糖膠
4) 橙皮去糖水後, 用攪拌機打成蓉，加入打好既忌廉攪均, 用下圖左手邊既西再西隔一隔，咁就滑晒啦！然後放Mousse上餅底
**記住橙皮要乾身，如果唔係加入忌廉後會水汪汪，到時就救唔番嫁啦！

5) 洒上肉桂粉，朱古力粒，橙皮朱古力, 未上朱古力既甜橙皮, 切奇異果伴碟! 我好環保，將煮橙皮既糖水或糖漿放入雪柜，凍後淋上碟，大功告成！
我諗其實檸檬皮都可以做到咁既效果！