糯米糍

復活節後一日同朋友野餐， 我整咗糯米糍！

呢樣港式甜品，相信好多卜友都有整過.
不過我想講吓我今次處女糯米糍既心得，各位大師父，唔好見笑呀！

基本上我係跟E記神奇廚房既份量嚟整既，整出嚟個個意粉都鍾意，包括捱壞！

當蒸完椰汁糯米粉之後，望住碟糯米粉，我突然間"叮"一聲!
依！佢咪就係椰汁年糕！！！！下年新年我知點做啦！

到包啦！

方法係用一小塊保鮮紙放係枱上，放半湯匙蒸好既糯米粉上面，然後再放另一塊保鮮紙上面.

跟住就可以按到塊糯米粉幾薄都得，然後拎走面喎塊保鮮紙, 放上料，然後執住最底喎塊保鮮紙既四個牛角，將佢合埋就做好一粒，即刻放上有椰絲既碟上轆，攪掂！真係完全唔經人手呀！好衛生添！

另一個問題就係，我整完即食係軟淋淋，不過放入雪柜後，硬晒！
之後再試，特登再放入雪柜當佢硬咗之後，再蒸番熱，淋番！正！妙手回春呀！