見工篇

首先, 多謝各位關心.
上個禮拜, 因為某啲事情同蕃茄出差, 原本蕃茄兩老都問我去唔去佢哋屋企, 但我話唔使啦! 點知攪到自己到零晨五點都瞓唔着. 下次都係聽話, 唔係攪到變抑鬱症就麻煩啦!
講番見工, 蕃茄怕我成日一個人係屋企會悶死, 好努力咁晚晚番嚟上幫我掟CV出街.
有一次佢眼花, 見到Torino呢個字, 就諗住係Torino市, 一個唔覺意就sent咗我份CV出街.
點知人哋真係約我見工, 仲係要搵人講廣東話既. 嘩! 發達啦! 心諗, 仲唔係我?!
嘩! 一望個地址, 蕃茄連聲道歉, 因為間公司係就係Torino, 不過係Corso Torino, 即係都靈大馬路, 但係係Torino再遠20分鍾火車既Bottiglia Alta 個地方名叫做"高樽".
講咗咁奈, 帶你哋一齊去睇吓火車站附近既環境呀! 唔錯嫁!

靚唔靚呢?

我鐘意呢幅!

行去見工既路上, 好relax呀!

未夠鐘見工, 週圍睇吓環境先!

行到有一間舖頭, 見到一個超型既馬桶! 睇就幾型, 不過我就麻麻啦!

係Torino等轉火車既時候, 係舖頭望見呢個公仔, 有冇印象呀?

因為通常啲香港人大多數最北去到米蘭, 真係未見過有人北過我!
等咗成個月, 聽日2nd in, 希望ok啦!