香甜幸福玉桂蘋果蛋糕vs藍色憂鬱

灰暗咗成個星期既意北, 今個朝早終於見返半日太陽伯伯啦!
為咗令自己走出憂鬱既心情, 今日出街行吓, 比自己吸吓正能量!
行到open market, 見有好多花檔係度, 諗起蕃茄話今個禮拜六係意大利重陽, 嗰日我哋要拜山, 所以有好多人今日已經買定禮拜六用.

估唔到意大利人拜山都興用菊花呢? 仲有劍蘭呀!

花海!

約咗4個係米蘭住既香港人聽日行街, 我用咗蕃茄爸種既辣椒同蒜頭煮香蒜辣椒油比其中一位好姊妹.
呢排蘋果當造, 蕃茄媽嗰朋友棵蘋果樹,好似前喎排個市咁, 係咁跌呀跌呀!
搞到我同蕃茄要食蘋果蛋糕, 朱古力焗蘋果, 食蘋果. 真係諗起都驚呀!
唔好講笑, 即刻焗玉桂蘋果蛋糕, 考敬各位姊妹, 順便清吓個雪柜先!
當聞到玉桂既香甜味道, 令我感覺幸福滋味!

講個笑話比大家聽, 上個禮拜我同樣焗咗個玉桂蘋果蛋糕比蕃茄做早餐,
焗完出嚟好靚, 聞起上嚟都好香甜, 蕃茄仲話令佢諗起Starbuck's.
點知可能我心不在焉, 個蛋糕既然冇落糖! 正宗無糖蛋糕!
搞到每朝要切一塊蛋糕然後唧朱古力漿上面先入得口! 哎! 真失策!