黑芝麻蛋糕

小Nel今日打敗仗, 醫生好豪咁, 豪咗3日假比我, 點知老細即刻問幾時返工!
其實噚日佢已經見到我畫完eyeline, 仲係得返半條人命咁樣! 仲叫我"Try to servive!"
呢! 呢啲咪就係老細囉! 小Nel 其實仲可以頂多兩嘢, 但係公司係無雷公咁遠,萬一有咩事, 就冇謂啦! 我呢啲small potato, 公司冇咗我唔會死既!

各位等食法國大餐既團友, 唔好意思!
因為小Nel 收到好姊妹Come mai? 既黑芝麻蛋糕要求, 又因為唔想老人痴呆症發作唔記得, 所以出咗編blog先! 你哋就當係下午茶, 睇住先啦!

材料:
黑芝麻 4茶匙    糖120克       雞蛋3隻     "00" 麵粉150克      牛油25克      牛奶 20毫升
發粉16g (係意大利我用Paneangeli 牌既 Lievito Pane degli angeli 專係用嚟做蛋糕或甜品用, 落一小包啱啱好!)

做法:
1)  黑芝麻 (先放入鑊, 唔使落油乾炒2分鐘, 最好用蓋蓋上, 如果唔係彈到周圍係, 炒完會香好多!)
2) 炒完黑芝麻放入細攪拌器, 打細黑芝麻待用
3) 預熱焗爐175度
4) 先用攪拌器發打雞蛋(蛋白及蛋黃一齊), 發好後落牛油同糖再打
5) 用膠灼拌入發粉同麵粉, 如果太杰身就要落埋牛奶
6) 然後落黑芝麻 (想做咩味就係呢個步驟變啦!  例如可以落棒子碎, 朱古力粉加磨碎既橙皮, 提子乾, 雲呢拿油, 朱古力粒, 玉桂粉等等, 咁就可以做到唔同味既蛋糕啦!)
7) 將蛋糕模搽上牛油, 然後倒入蛋糕糊, 放入焗爐, 爐25分鐘即成!
試吓啦!