Borgo e Rocca Medievale di Torino (1)

上個禮拜小Nel買咗Piemonte博物館年票，有成180間，平均要每兩日去一間！
依家個個禮拜都去，你哋有福啦！
今個禮拜去咗呢個A貨中古時代村, 佢坐落係都靈市Torino入面既Parco Valentino華輪天奴公園, 連貫整個意粉國既河邊 Fiuma Po，風景真係好優美嫁！ 好易去，唔係特登揸車上山睇古堡啦！
唔好睇佢係A貨，都有成百三年嫁！緣因係15世紀時有個中世紀懷舊風！

城門前後！

A貨鎮內街, 正直國慶日，周圍掛滿國旗！

見唔見橫樑上有好多釘呀 係防止白鴿或鳥parking嫁！我諗米奇都行唔過！

入面有幾間商店，呢間賣古時裝甲，超重呀！

隻手套超重呀！

入面有間外貌似教堂既旅遊中心，介紹中古村！外牆畫咗一隻野獸，都幾恐佈！

扮晒有人浪衫！

呢架係古時印刷機，全木造嫁！

以上既范圍都免費參觀，不過入城堡就誠惠五歐啦！入落我香港戶口得啦！

入面係好似一個四合院形成，中間有天井。
呢間A貨，唔係淨係某間古堡, 而係呢度執啲，喎間執啲加加埋埋！我哋咁啱去過喎幾間堅嘢，一睇就知出處！
主樓梯牆上有幅屠龍像，中國人既龍象徵皇帝，外國既龍象徵魔鬼，所以屠龍就好似武松打虎咁，好型嫁！

上層樓梯牆上都繪上唔同既畫

先參觀吓食蕉房先啦！ Unitform掛晒係牆上面！

導遊Nel 係喺房尾影返上頭，入門口先係暖爐，床係按階級瞓既！

低級既食蕉床褥係禾乾草!

老細既呢?

食蕉玩既棋！

過咗食蕉房，就到廚部啦！呢層係地庫，特別凍，食物唔使雪都得！
今餐食乜? 自己揀啦！有兔，有鵝，有鴛鴦！呢個架有成層樓咁高嫁！

牆邊既五味架！

過咗廚部就到食蕉飯堂啦！見唔見枱上半空吊咗個架呀！

佢哋認為，咁就唔會有米奇同高飛偷食啦！
仲有原本係喎個年代，仲未發明刀叉，就算著得幾靚，都係用手食！
所以枱上係有唔見有刀叉嫁！

個堡壘型洗手水龍頭超靚！巧想老粒！

距離就係古堡主人飯廳啦！太黑影得唔係太好，但如果留意去睇，係主人位，會見到有兩張椅，不過得一份餐具！原來男女主人係共用一份嫁！
係咪好恩愛呢? 實情梗係唔係啦！其實係驚對方毒屎自己!
小Nel呢招叫做鐵達尼式進膳"You die, I die!"

主人枱尾一入飯廳，係一道牆，牆背後係一間房，可以容納幾個樂師係後面唱歌奏樂！一邊食飯，一邊聽音樂，爽呀！

下集睇主人房吓！