估唔到！ 堡主飯廳格離，既然係正間囚室，我同茄生講個堡主緊係有瘧待狂啦！鍾意一邊食飯，一邊聽住人叫放我出去！真係痴痴地嫁！
行完咁恐怖既囚室，出嚟吸番啲正氣先！ 見唔見對面有四格窗呀?
窗台既地下有個木板蓋住既洞，其實下面正正係城堡大門，如果遇到敵人侵堡，就揭開木板，掟石落去！
堡主通常都會貴族，佢哋會間唔時要收地租，開吓會，呢度就係會議室啦！
堡主個位！
兩邊牆仲有唔同既壁畫，呢邊係Fashion show!
呢幅就勁啦！畫咗個長生不老水池，入去既耆英，出嚟個個索女靚仔！
過咗會議室就係堡主房啦！
入門口左邊有個疑似窗台既物體！估唔估到係咩呢? 茅廁囉！
就係咁！冇門嫁！得個洞，望落去就係城堡外，諗吓係城堡見到有舊嘢跌落嚟，如果大風啲，吹咩咗。。。。。
呢個面盤係比古堡主人沖涼用，我諗啲人真係聞風喪膽！因為佢一年只沖三次涼，就係復活節，8月中同聖誕啦！平時行近佢可能比佢臭屎呀！
堡主張床
連張被都有貴族徽號嫁！
過咗堡主房，就到堡內既小教堂！ 見唔見有道木欄，欄外係堡內佣工禱告區，欄內係堡主家族專用區，幾階級觀念呢！
小教堂雖然細，但都唔馬虎，天花都畫得巧靚！
入面壁畫都有耶穌十字架
出嚟見到有個巨型古時武器，同利比亞依家用緊既差唔多，只係用料唔同 (我話既！)！
遊完城堡出嚟行吓公園，吸吓新鮮空氣先！ 係河邊飲杯嘢！爽呀！
呢度有好多人放狗，我同茄生講，如果我住係都靈，我都會嚟放狗成機識比機會啲靚仔！
佢哋都好嘆呀！
行到出嚟建築大學前，貢大鵬人係度，搞咩呢?
仲有騎警添，咩事呢?
八都震既蕃茄係都唔走! 原來係等總統先生！
睇佢既受歡迎程度就遠照條屎喊蟲啦！
駐意粉國特約記者小Nel小道報導，今個150建國周年，離奇地咁多日都唔見老貝，有消息話有日叫佢唔好出現，係邊個? 唔重要啦，有冇佢亦都唔重要啦！
沒有留言:
發佈留言