Piemonte我住既省比相連法國既亞爾卑詩山包圍，去程時就見到呢群山，冰涼透心！
到啦！呢個就係意粉國最後一個皇朝既夏宮，每逄夏天，佢哋一家大細都會嚟避暑！
有興趣知多啲，可以去呢個網址睇吓！www.ilcastellodiracconigi.it
佢唔係喺效外，而係同羅浮宮一樣，出面係一個鎮!
呢個夏宮被譽為意粉國最靚既公園，不過我好失望囉！
佢仲有一個特點，就係有大唐鳥會建巢係屋頂！
唔知佢係咩鳥? 記唔記得童話故事話，呢種鳥係會帶BB比孕婦屋企嫁?
題外話，意粉國既醫院通常都會預留最近出入口既車位比孕婦，叫做Parcheggi Rosa 粉紅車位, 標誌就係呢隻鳥帶住個BB啦！
好啦！回歸正傳，避暑山莊則門既洗手間門口都幾有特色!
入到去王宮背面！
面對一望無際既公園同太陽怕怕強吻我！意粉俗語話，太陽只係鍾意錫靚女！
不過我覺得被佢強吻又另一回事囉！我好後悔唔記得帶帽！
究竟個御花園有幾大，唔好講數據啦！睇圖啦！皇宮係圖中左下角白色既地方，干煎之旅，開始！
比張圖嘛怕既，可以坐馬車遊花園，誠惠 €8位呀！
雖然晒，我都係鍾意自己行，可以沿途影吓相！行吓坐吓！
坐馬車遊花園，幾爽！
feel到春天既氣息未?
有間小屋揭吓腳！
呢間屋係比Fasano, 一種長尾，體積同家禽咁大既鳥住既！
佢哋可供食用同觀賞嫁，肉質同火雞差唔多啦！
小橋流水
行到肚睋，去餐廳醫肚先！
呢間餐廳原址係比小馬仔住既！所以入面既坐位都係馬廐嚟嫁！
膠裝迷你橄欖油，手指尾咁大，好得意！ 呢碟生牛肉先至€4，唔係貴！
見到佢啦！當佢哋行路時，好似面駝鳥咁，條頸一前一後咁行，我學佢哋，激死蕃茄！
呢間屋係要嚟存放艇仔用！
仲有個狗塚！條柱上寫住古文:
VERTER SON IO DI GIOSEFFINA ANCORA LIE TO A LEI PRESSO OGNORA E GIA I VEZZI MIEI BLANDI E LA MIA FEDE HAN QVI ETERNA MERCEDE 1790
Means: I am of Gioseffina Verter, still happy to be with her and have a few quirks here with mei and my faith
呢個唔知係咪小狗同佢主人既像呢?
下集續......
沒有留言:
發佈留言