全鎮大食會 Festival delle Sagre Astigiane (1)

時光倒流返去9月第一個禮拜六, Asti 亞詩提舉行咗個每年一度既全鎮大食會!
地點係係火車站附近既露天停車場, 地方大約有維園既足球場部份咁大啦!
呢個停車場每個禮拜三同六都會封咗半邊嚟做市集. 上午有蔬菜, 水果同乾貨例如衣服鞋襪, 家居用品等等, 下午就淨係得番啲乾貨. 一般價錢都比舖平, 所以有好多人嚟買嘢嫁!
好啦! 回歸正傳, 我哋講返個全鎮大食會先! 今年已經係第35年啦!
仲有好多嚟自法國, 德國及其他意大利既遊客, 所有大街小巷都泊滿晒車同旅遊巴, 眼見有好多車食咗牛肉乾, 交通警發達啦!
所有攤位都係嚟自Asti 範圍唔同既村落, 今年就有成47個攤位. 大會亦安排咗好多枱比公衆.
每個攤位都佈置到好似間屋或者餐廳, 好得意嫁!

大會每年都會係各大報章, 預先刊登當日資料, 例如地圖, 食物名稱同價錢, 方便大家!

小Nel同蕃茄約咗班朋友一齊去, 當佢哋仲未到既時候, 我哋已經分頭買晒想食既食物票!

每張食物票會跟紅酒或白酒或甜品酒一杯

道具警察局一間, 因為人多, 有可能比人扒銀包, 所以有警察stand by

呢間佈置到好似間屋咁, 仲晒衣服!

待續........