全鎮大食會 Festival delle Sagre Astigiane (2)

各位, 唔好意思! 因為小Nel要重新投入學生行列, 所以近嚟梳於上Blog.
好啦!
喎日, 比小Nel發現到一樣唔會有太多意大利人鍾意食既食物.
去到果然冇乜人! 你哋估唔估到係咩嚟嫁呢?

......
.....
.....
.....
.....
......
.....
......
估到未呀? 咪就係炸田雞囉! 誠惠4蚊歐羅!
不過一啲都唔好味, 佢哋淨係用麵粉炸,比舊檸檬就算, 鹽都冇粒, 如果我有腐乳係身, 即刻攞嚟送田雞, 正呀!
食完個冇味田雞, 搵樣食得飽既Angnotti嚟填補之前既空虛感先! 誠惠4蚊歐羅!
佢哋係唔環保之餘, 都盡量環保.  雖然所有刀叉碟都係完用即棄, 但係全用硬紙造成!

因為同10幾個猪朋狗友一齊嚟, 各人搵食速度都唔同.
我同蕃茄明知會大排長龍, 所以一早去買定飛.
到朋友嚟齊, 我哋只係去攞食物, 係等班朋友排緊隊既時候, 蕃茄買咗包炸麵粉嚟食!
只係有少少鹽,  誠惠1蚊歐羅! 淨係食呢包嘢都包晒! 不過我唔敢食咁多, 免得熱氣!

食到咁上下, 嚟個甜品, Salume Dolce 似唔似Salume 呢? 但係用朱古力同可可米造成嫁!

嘩! 下面呢個甜品利害啦! 係用蛋黃同甜品酒Moscato煮成, 超甜, 超高卡路里!
以前蕃茄返大學時, 蕃茄媽每朝早都會煮呢個高卡早餐比佢食, 等佢充滿力量喎!