San Palio 之 中世紀古裝巡遊 上集

每年係9月既第二個禮拜日, 係舉行San Palio 跑馬比賽前, 都會嚟次中世紀古裝巡遊.
巡遊隊伍都係分區, 每隊都會有唔同既主題, 例如宗教, 農產品收成, 化學研究等等.
連小朋友都有份客串吓!

份敎宗

貴族出巡, 靚唔靚呢

件件都拖晒地, 幾有氣勢呀! 我都想試吓扮貴族呀!

每年嬴咗San Palio 跑馬比賽既區域, 都會獲得呢支錦旗, 年年設計都唔同, 比賽完咗之後, 錦旗會放係嬴咗區域既大敎堂內一個月, 然後放返係Asti 鎮中心既San Secondo敎堂內.

巡遊隊伍正係度展示每年既錦旗, 今年已經係第40年舉辦San Palio ,你睇, 淨係旗手都有咁多呀!

小Nel最鍾意呢區, 貪佢既旗色夠靚!

睇住咁多先, 仲有好多排緊隊係後面