Il Agnolotto 意式餃子

相信鐘意食意大利菜既blog友, 應該都知乜叫Agnolotti, 我叫佢做意式郵票餃,
因為佢既size同花邊, 十足成個郵票咁!

其實都唔難整嫁! 不過要超好心機就真! 真係好似食點心咁, 食心機嫁!
先準備好麵皮, 如果唔記得點整, 請按呢度啦!
然後就要做餡啦! 餡可以係清淨肉, 或加菠菜, 或菠菜加Ricotta芝士!
呢隻Ricotta芝士, 好淡味, 型態似豆腐, 食咗都唔覺!
準備餡:
如果用牛肉-  先用適量鹽調味, 然後煮熟後, 用攪拌器打碎牛肉
如果用肉加菠菜- 肉先用上面既方法煮熟. 菠菜要拾熟後, 倒走水份, 用吸油紙吸乾水份, 如果唔係會有好多水走出嚟.   再放用菠菜入攪拌器打碎後, 拌入牛肉碎即成
如果用菠菜加Ricotta芝士- 菠菜用上面既方法處理, 倒走Ricotta芝士入面既水份後,用吸油紙吸乾水份, 如果唔係會有好多水走出嚟.  然後拌勻芝士同菠菜榕

用具: Agnolotti模一個       我懶! 所以買個大模!

係模上放少少麵粉, 方便脫模!
放一塊麵皮係模上, 然後少少, 少少咁放餡入格內!
放滿之後, 再放一塊麵皮係上面, 用輕力麵粉棍輾過, 然後慢慢大力少少再輾過

反轉模, 就完成一底Agnolotti啦! 然後用刀介開多餘既邊, 再一個個咁介開, 完成!

煮既時候, 因為餡之前已經熟, 只需要煲滾水, 落一茶匙鹽,
然後放一隻一隻咁放Agnolotti入煲內, 浮起就熟, 大約1-2分鐘!
倒走水後, 加入肉汁係面.
P.S.如果想做肉汁, 步驟係先煮熟牛肉塊或牛肉碎, 然後放入攪拌器攪, 再加茄醬拌勻.
開餐!