Kinder出奇餅!

捱壞比咗個整曲奇餅既食譜我，點知唔止佢做出嚟既同我既唔同，就連小Nel自己整，都每次不同。 我稱之呢個餅做Kinder出奇餅

! 因為有落發粉，所以入爐前我已經預留位比佢哋，等佢哋唔會爭位坐嫁啦，點知第一次出嚟近乎變咗做A3曲奇餅! 我要攞把刀嚟分開佢哋

！ 喎次我係做好麵團之後，因為開飯，唔覺意放咗半個鐘，之後先入爐，出爐後都有成0.5cm 厚， 但係出奇地咁脆，口感仲脆過藍鑵曲奇! 我同事仲話可以拎出街賣

！

到呢次，我又同樣分量，同樣時間。又比我有新驚喜！
做出嚟都有發，但係唔止向橫，仲向高空發展！ 有成1cm咁厚！ 不過都好脆，仲有啲似合桃酥添

！

呢次我落咗朱古力粒加榛子係面，似唔似合桃酥呀！

我次次整呢個餅，出焗爐前都比佢既賣相笑死我

，所以真係Kinder出奇餅! 其實超簡單，有興趣既不妨話比我知你又整成點出奇！
250g 麵粉， 100g 糖， 100g 牛油或植物牛油，蛋 1隻, 16g 發粉.
味道隨意，可加朱古力粉，  朱古力粒，提子乾，榛子等等，捱壞話佢冇等即時入爐，我就放咗半個鐘先入爐， 180度焗15分鐘，食得！