啱啱過咗個禮拜六日，小Nel同7條意粉一行八人去咗雪山度浸溫泉！實行冰火二重天
！哈哈！
點呀！正唔正呢? 本來都帶咗相機
，諗住入去採訪
， 但係入到去個個三點式，我驚拎住部相機比人拆咭都似！ 為咗有命見你哋， 我只可以係網上download啲相嚟比大家吊住癮先！
意大利其實都有幾多溫泉吓，距離我屋企半個鐘車程其實都有一個，但從未有幸去過！
今次呢個係朋友介紹，咁啱我哋又有超市積分夠兩個人，所以今次入場免費，如果自掏腰包平日38歐，假日48歐, 包浴袍，浴巾，洗頭水，護髮素，拖鞋，風筒，儲物箱。 可能你會認為呢啲係套餐，例包！ 係香港就係， 你呢度，好多酒店都唔包，所以我同隻茄都係顧掂自己先啦！可以由朝早8:30玩到11:00！浸到皺皮都得！
溫泉範圍有分室內同室外，大屋有三層，加埋室外溫泉等等，共有44個地方任玩, 間間房都唔同，我哋好似尋寳咁，成日係度莊莊吓！
仲有叫做Buffet既餐廳，呢種Buffet我都係第一次食，入面一塊肉都冇， 淨係啲低卡嘢， 麵包，生果，乳酪，果汁等等。。。
室內設計得唔錯！註: 呢個三點式女郎唔係小Nel, 唔好亂諗
!
入面有好多唔同既主題既房，有海底泥Mask
, 有粗鹽蒸氣室比你磨沙
當然唔少得桑拿浴同蒸汽浴啦！佢哋仲係房出面整咗個泳池，入面係凍水，佢哋話焗完桑拿要過冷河噃
！ 講開過冷河，佢哋有好多種唔同形式，有淨係到腳，有成桶凍水係上面，好似拉廁所水咁照頭淋， 真係好激！
有海陸空為主題既房， 海-我試咗瞓水床，陸既有豆豆床！
呢間房主題係係空中，頭頂有舊雲，好嘆嫁
！
我同隻茄講， 係意粉國冇乜娛樂，呢度都算係咁啦！一年嚟一次都好呀呵！
有興趣既卜友，可以去呢個
網址睇睇!
沒有留言:
發佈留言