我唔知點解咁多人(包括老外)問同一條問題, 但當佢哋知道之後, 通常都"0"晒嘴!
通常估我細10年!
事實係我既年齡可以生得出一個18歲卜卜脆既女啦!
不過我面上冇眼袋, 就算大笑既時候一條皺紋都冇!
我冇銀両買SK3
又冇時間出街做"菲騷".
除咗要多謝我既靚媽同正爸
遺傳啲不老因子比我之外, 我仲有一條自製不老秘方!
有卜友已經試過啦! 佢媽咪話試完塊面仲有光澤咗!
買咗咁奈廣告, 係時候要抄低啦!
*****************************************************
其實材料只係蛋白一隻!
呢個蛋白"媽使"用途有: 去皺, 防皺, 提升面部各部份同收細毛孔.
你知啦! 眼皮, 眼肚, 下爬, 面部, 手及頸等, 都會隨住年齡同地心吸力下垂, 要早日做定功課, 咁就唔需要用錢去買貴貴護膚品啦!
假如毛孔收細咗, 就唔會有咁多污垢係塊面度!
用法間單: 洗完面後, 用蛋白由頸到額頭, 由下向上搽上.
記住連眼都可以搽, 咁先可以去眼肚同眼皮.
然後合上眼, 平瞓, 用咭紙 put 乾蛋白. 呢個時候,你會感到塊面好緊, 直至蛋白乾晒, 大約1-2分鐘, 然後洗面, 搽cream完成!
做完面可以做埋手, 咁就索啦!
我自己用完, 塊面就好似亞琦琦話劑: 好似Monk殼雞蛋咁滑!
第2種用法就係去黑頭!
用法: 洗完面後, 用吸油紙剪成一個三角形, 可以fit到個鼻.
然後由下至上搽一層蛋白係個鼻度, 再放下吸油紙, 再搽一層蛋白.
同樣等蛋白乾晒之後, 由下至上撕起吸油紙, 你會見到好多黑頭係塊吸油紙上面!
洗面後, 再做一次蛋白媽使, 就可以收細番鼻上既毛孔, 以防一出街啲污垢又走番入去!
可以同老公或男友試做!
***********************************
因為蛋白係天然既材料, 所以呢個媽使可以日日做或一個禮拜多次都得!
打開咗隻蛋, 用個細保鮮盒入住, 可以用多幾次!
靚咗記得話個我聽呀!
沒有留言:
發佈留言