踏出意大利之瑞士半天遊 (上集)

真係唔好意思! 其實小Nel係雪山渡假期間既遊記, 仲有好多未post出嚟!
今日心情大好, 因為接到消息, 下星期繼續3rd in,今次test我既廣東話同國語, 希望同我講國語既仁兄, 口下留情, 比我順利過關啦!
如果OK, 可以盡快簽contract, 再下一個禮拜就可以開工大吉啦!
點都好, 我都會做呢份工, 捱到頂唔順先算啦! 起碼叫做係意大利有工作經驗嘛!
好啦! 言歸正傳, 小Nel旅行團又出發啦! 今次去既係瑞士.
由於蕃茄家租既渡假屋近瑞士邊境, 所以小Nel一早帶埋passport去, 以便隨時出國!
小Nel因為申請緊意大利居留証續期, 所以手上只得一張申請中既文件.
點知去到瑞士入境既時候, 喎個自以為賴醒既關員, 居然話我因為申請緊意大利居留証而唔比我入境喎!
佢都低低地嫁! 我申請緊咩, 關你咩事呀! 總之我個passport免瑞士簽證, 就OK啦!
當然大家都知道全世界既海關同入境處都係唔得罪得嫁啦!
喎條茂利見我本特區護照封面寫中文字, 以前我係國內同胞, 睇都唔睇就話我冇攞簽證, 我哋賴客氣咁同佢解釋, 我喎個特區護照係括免瑞士簽證, 麻煩佢check真啲, 佢check完知道真係, 先至放我走.
哎! 以後去歐洲, 都係攞番本BNO出嚟, 費事又比人掃興啦!
終於比蕃茄擇到個良辰吉日起行啦! 喎排成日都落雨, 吉日即係算係冇咁多雨水嫁啦!

大鄉里小Nel出國, 見到乜都影一餐!

可能睇慣咗意大利啲屋, 覺得瑞士啲屋靚好多!

似唔似迪迪園入面既西部大街呀?

是但比間我就好啦! 不過唔該附送阿四一名, 如果唔係我就會變成阿四啦!

間間都好似迷你古堡咁! 好靚!

個巴士站好靚, 有宮女同武士兩種, 仲有時鐘比你參考巴士幾時到!

意大利用嚟種植既山, 通常都係小山坡. 但係瑞士人就連咁高既山都唔放過!

仲有好多珍品尚未展出, 下回分解吓!