一連三日包晒油尖旺咁大既P場狂歡，想再投入啲?
就埋嚟買番套制服誘惑啦！埋嚟睇， 埋嚟揀呀！
玩制服誘惑既must item軍帽! 大人碼€25- 細路碼€20-, 細路見到忍唔住買既態仔 €30-
手掌咁大既團章 3厘米大既迷你版軍帽
小Nel帶咗頂帽後，好多人搵我影相，話好特別，有個日本人/中國女兵！
大家換好衫啦嘛！出發！
準備好裝備後，就要準備埋個Mood啦！
意粉國特色樂器手風琴, 揹住佢，去到邊，唱到邊！
呢個哥哥仔揹住個咩嚟既，你又估唔估到?
紅桶就梗係紅酒啦！哥仔手揸喎支好似咪既物體就係飲管啦！
咁大家明點解大家咁high啦！可以講得係冇乜邊個可以通過酒精測試！
連小朋友都唔執輸，投入角色先！ 呀B口水肩都唔放過！
周圍都有退役軍人揸車玩自我巡遊，假如自命靚女，隨便問佢哋可唔可以坐順風車，就一定會摻你玩！
有冇人知佢扮邊個? 大家一見到佢，即刻走埋去影相，伯伯唔係為錢，純粹玩嘢！
全幅武裝！
呢位軍護唔係嚟玩制服誘惑, 係堅嫁！佢哋擺檔賣朱古力酒，佢哋見到我影相，即刻拉埋我一齊影，又請我試飲，真係好客！
依！排晒長龍，梗有筍嘢！原來排隊入貨柜Bar, 入面既燈光仲會變色添，好靚嫁！
繼150周年國慶日，呢日聽國歌既次數不下百次！
想分辨真假軍人，就憑佢哋帽上既襟章啦！其實襟章都有得買既，不過成€5/個！
哥仔後面喎位就梗係A貨啦！
軍哥見我影相，即刻擺好post!
玩到口乾，隨街有流動酒莊，€1杯!
一杯杯飲都未夠喉，成支嚟！
仲未夠? 呢個呢?
想唔使錢有酒飲? 得！問佢攞啦！ 酒係白色物體入面，要飲就自便啦！
肚睋就隨街都有流動食物車! 有埋枱嫁！
兜返轉順風車呢?
肚睋呀? 唔使客氣噃,自便啦！(全部假既！) **哥仔頭上既帽係酒桶嚟嫁！
隨意去到邊都有Live Band!
玩完兩日，個個啤啤夫，蕃茄話都唔知佢哋第二朝一大清早點巡遊！
我有個同事，住正市中心，星期六一日之內， 比四個醉酒佬按咗樓下對講機整估！
沒有留言:
發佈留言