自製蝴蝶粉La Farfalla

好啦! 趁大家仲記得點樣整意粉既時候,打鐵趁熱, 整埋蝴蝶粉先!
同樣可以加入甘荀或菠菜做麵皮!
將啲麵粉用麵粉機, 輾到5號最薄!
風乾到濕度適中之後

將麵塊切成四方型, 然後用手指係四方型既中間, 一上一下咁黏埋

就做成蝴蝶粉啦! 假如想即刻煮, 可以一隻一隻咁放入滾既鹽水度

如果煮唔晒, 可以風乾到好脆, 先至放入冰箱, 要煮時先至係冰箱取出即煮,
唔使解凍嫁! 煮3分鐘夠嫁啦!
有興趣就試吓啦!