自家製Pasta 意大利麵

覺唔覺得意大利麵特別有咬口, 同中國既麵係唔同既呢? 同茶餐廳既又唔同呢?
因為意大利麵係加咗橄欖油搓, 所以特別有咬口!

因為茶餐廳通常都煮定一大堆, 然後番熱, 所以唔彈牙!
想唔想試吓自己整意大利麵? 幼麵, 寬條麵等等.......

材料有:
一般麵粉 500g        雞蛋一隻       橄欖油2茶匙   熱水少許   鹽半茶匙

及製麵機一部

做法:
1)先將麵粉放在大碗內, 放入其他材料, 搓至所有麵粉入麵團.
2) 調敎麵粉機旁邊的厚薄按鈕至1號, 即最厚
3) 然後把麵分批放入麵粉機內, 攪動手製, 便可做成麵塊,

4) 如是者, 放入麵塊, 調敎厚薄按鈕至3號, 攪動手製,
5) 再敎厚薄按鈕至5號,放入麵塊,  攪動手製,  麵塊既厚薄, 此時已是適合做麵條
6) 擺放約半小時,(要因應濕度) 當麵塊開始有點乾身後, 才可切成麵條,

假如仍未夠乾身, 切成麵條會黏在一起, 變成麵糰!

7) 放麵塊入機切成麵條, 幼麵, 寬條麵, 隨你喜歡!

煮時只須煲滾熱水, 放一茶匙鹽, 放麵條, 然後打開煲蓋, 滾3分鐘至軟身,
倒走熱水後加醬料, 食得!
P.S.: 如果想整甘荀麵, 菠菜麵等, 只需要烚熟甘荀或菠菜後, 用吸油紙吸乾水仍份
(如果唔係啲麵有掛都未乾身!) 磨成榕後, 加入麵粉材料一齊搓, 就可以做成唔同既味道啦!
其實超市都唔係貴好多, 不過自己整既, 真係彈牙好多嫁!